Da staht er jetzt...

Am Sunntig simmer zum Christchindli gangä (leider hämmers grad verpasst; äs hät nur schnäll d Bäum is Dorf bracht und isch grad wieder wiiter...) um eusä Baum abzholä. Am Lars und am Yannis hani verzellt, jedä Baum suächi sich ä Familiä us. Mä müäsi dä Baum nur ganz lieb frögä ob er welli mit eus hei cho und wänns dä richtig Baum isch, dänn seit er ja! Äs git chlini Bäumli diä wännd eher inä chlini Stubä, äs git riisigi Bäum diä wänd inä ganz ganz grossi Stubä und dänn gits irgendwo au no än Baum wo zu eus wett...

Dä Lars isch dänn zumänä Baum gangä und hät ihn gfrögäd ob er welli zu eus hei cho!!! Er hät ihn ganz liislig gfrögäd und woni dänn gfrögäd ha was dä Baum gseit hegi da seit er ganz luut Jaaaaaaaaaaaaaaaaa

Und so staht jetzt genau de Baum da bi eus diheimä wo zu eus hät wellä hei cho!

Happy B-Day Shanaya !!!

Juhuiiii Schnee

Juhuiii Schnee

Mir wännd no meeeeeeh!!!

Jahresabschluss im MuKi

X-Mas Apero

Das war ein Fest für Gross und Klein!

Samichlaus zum viertä und LETSCHTÄ

Am Dunnschtig isch dä Samichlaus grad nomal verbii cho (will mir vermuätli sooooooooooooooooooooooo brav sind!!??) Er hät üs ämäl grad nomal än Grittibänz geh... Samichlaus, mir hoffäd dich im nöchschtä Jahr au wieder z gseh!

Dä MuKi "Chamilaus"

Samichlaus zum drittä

Und hüt isch dä "Chamilaus" (so seit ihm dä Yannis) au no is MuKi cho. Er isch ganz lang blibä, hät dä Chind äs Gschichtli verzellt wiä dä Samichlaus zum Schmutzli cho isch und diä chlinä Zwergli händ im gspannt zuäglost... (d Mamis au!). S isch u schön gsi!

Ich bi mir ganz sicher, das isch dä ächti Samichlaus gsi!!!

Samichlaus zum zweitä

Am Sunntig simmer bim Olivier igladä gsi zum Chläuslä.

Dankä vill mal; s isch än wunderschönä Nami gsi.

Ich frög mi, wer nervöser gsi isch, dä Chlaus oder d Kiddies ;-)

D Sitzigä werdäd immer länger...

Keis wunder bi denä lässigä Büächli wo dä Papi hät :-)

Dankä Näni !!

Samichlaus zum erschtä

Hüt isch dä Samichlaus am Abig id Spielgruppä cho. S Versli güäbt und immer und immer wieder ufgseit, doch wo dä Samichlaus dänn da gstandä isch ... isch nüt meh gangä...

Aber äs hät glich än Grittibänz geh, än luschtigä Abig und ganz villi Idrück.

Dä Lars hät dänn zum Mami gseit ufäm Heiwäg: "wänn dä Samichlaus dänn wieder mal chunnt, dänn sägi dänn mis Sprüchli"...

Ich bi ja gspannä, dänn dä nöchschti Chlaus chunnt scho übermorn...

Zuckerschock

Wo dä Yannis dänn in Mittagsschlaf isch,
hani dörfä diä sälbergmachtä Guätzti no verziärä!

Das isch am Afang no zimli schwer gsi, dänn de Zucker isch statt ufäm Guätzli ufs Papier tropft und dänn per Schläckfinger grad i mis Muul...

Nach äs paar Guätzli hani das dänn aber schnäll im Griff gha; und nur no ganz bewusst und immer wänn s Mami nöd gluägt hät wieder gnascht...

Armä Yannis, de hät das alles verschlafä, aber er wird diä Guätzli wägä dem genau glich gern ha und verschlingä!!!

Mmmmmmhhhhhhhhh....

Guätzlä

Hütt hämmer am Morgä statt Wiähnachtsgschänkli baschtlä
mit äm Mami dörfä Guätzli bachä....


Das hät u Spass gmacht!!


Und ohni Striit...


S Mami hät gar nöd vill ghulfä...

Mami, wänn sinds ändli fertig?

Mami, wänn chömmers ässä?

Mäuse?

Da waren zwei kleine Mäuse hinter dem Käse her...

...der Käse hat ihnen wohl sehr gut geschmeckt...

Die Mäuse heissen...

Lars & Yannis