Dä Lars und dä Yannis händ sich mega gfreut wommer gseit händ, mir göchid go Kamel aluägä. S isch än luschtigä Namittag gsi, mit vill Lüüt, Rössli, Ponis, än riisigä Spielplatz, Ballön, än Clown, Wurscht udn Pommes... Pferde-, Poni- und ebä Kamelrännä... Nach dä jewiligä Rännä vo dä Ponis und dä Kamel hät mä d Tier chönä go aluägä. Eis Kamel isch mega zuätraulich gsi und zum Abschid häts no än Kuss becho vo dä beidä Jungs... zur Freud vom Bsitzer, er hät grad glänzigi Äugli becho. Mini Äugli sind glänzig wordä woni mit äm Lars uf äs Trüllikarussell bi - aber nöd willi so entzückt gsi bi...
